歡迎並且多謝您抽時間嚟參加Xling跨語言語料庫嘅研究計劃！

今次嘅研究計劃打算去建構一個跨語言語料庫，如果您同意參加，您嘅錄音檔將會成為語料庫嘅一部分。 呢一個語料庫將會協助我哋去了解語言變遷、跨語言發音嘅細微差異、同埋人腦係點樣呈現同處理語音資訊。 如果您同意參加今次嘅研究，我哋會喺進入下一頁之後先請您回答一啲基本嘅個人背景問題，然後睇一段簡短嘅中文文章同埋自由回答幾條問題。 中文文章嘅篇幅大約係5-6分鐘，而自由回答問題嘅部分我哋會請您至少用5分鐘嘅時間嚟發表您嘅諗法或者意見。

請您撳下面嘅掣進入研究頁面。